Dicuil, Epistula censuum

iii <De tractatu per prosam facto in septem uersus>

1 |folio 12v l. 11 (P) Quae metra in tenebris dixerunt ultima furuis,
2 Prosa palam poterit uerbis monstrare relatis.
3 Non audita igitur species ista ante fiebat;
4 Ob hoc insolitam, solam, desidero factam
5 Per prosam fieri, facile ut sit, quicquid habebat,
6 Namque duae species^[41] ipsam uenere sub unam,^[42]
7 Quam nullus scripsit prius, ut fari illa ualeret.